Chaoon Main Teghon Ki Yasrab Ka Musafir So Gaya (Lyrics) || Nasir Asghar Party Shabab ul Momineen

Noha: Chaoon Main Teghon Ki Yasrab Ka Musafir So Gaya
Sangat: Hay Shabbir [Nasir Asghar Party]
Place: Imam Bargha Imamia
Date: 06th Rabi-ul-Awal 2018

نوحہ 

چھاوں میں تیغوں کی یثرب کا مسافر سو گیا

دین بچانے کو فقط باقی ہے زینبؑ کی ردا

رات کو آو گے باباؑ یہ بتا کر جائیے

روئی باباؑ سے لپٹ کر اور سکینہؑ نے کہا

کس کے سینے پر میں سووں مجھ کو نیند آتی نہیں

رکھ کر سر باباؑ کے لاشے پر سکینہؑ نے کہا

اب نہیں آئیںگے ہم اب تم طمانچے کھاو گی

چوم کر بیٹی کا سر شبیرؑ بے کس نے کہا

ڈھونڈ نے نکلی ہے لاشوں میں سکینہؑ باپؑ کو

نیل گو رخسار ہیں کانوں سے خون بہتا ہوا

آگ کیا پھر سے لگی ہے دامن قرآن میں

پھر خیام مصطفیٰ سے ہے دھواں اٹھنے لگا

ہوکا عالم ہے کہ کچھ لاشے پڑے ہیں بے کفن

گونجتی ہے دشت میں اک واہ حسیناؑ کی صدا

چھوڑ کے روتی سکینہؑ آئے میدان میں حسینؑ

شاہؑ کو بچھڑی ہوئی بیٹیؑ کا خط بھی آگیا

بولی زینبؑ اب ہماری چادریں لٹ جائینگی

خون میں ڈوبا ہوا جب نظر آیا علم عباسؑ کا

ہو خدا حافظ کہ پھر تم سے نہ ملنے پاوں گی

بھائی گردن کے بوسے لے کر زینبؑ نے کہا

قتل کردیتے محمد کو مسلمان بے دریغ

راز یہ کرب و بلا میں قتل اکبرؑ سے کھلا

کان دکھتے ہیں تو اٹھتی ہے تڑپ کر نیند سے

پوچھتی ہے ماںؑ ہے تیرے صدقے سکینہؑ کیا ہوا

رہ گئیں تنہا علیؑ کی بیٹیاں بن میں نثار

سامنے لاشے پڑے ہیں وارثوں کے جابجا